sa imong pag-ampo, imo bang gidawat si cristo sa imong kainbuhi? Sumala Iyang gisaad sa   Pinadayag  3:20, hain na man si cristo karon? So Cristo miingon nga Siya mosulod sa imong kinabuhi. Mamak ba Siya kanimo? Unya, gi-unsa man nimo pagkasayod nga gitubag sa Dios ang imong pag-ampo? (Kasaligan gayud ang Dios ug ang Iyang pulong. Sa lain pagkasulit, Siya magatuman gayud sa Iyang mga saad.)

Ang Biblia nagasaad sa kinabuhing dayon sa tanang modawat kang Cristo.

"Ug ang pagpamatuod mao kini: nga kita gihatagan sa Dios ug kinabuhing dayon, ug kinign kinabuhi-a anaa sa iyang Anak. Ang makapag-iya sa Anak may kinabuhi, apan ang wala makapanag-iya sa Anak, wala'y kinabuhi.Kining mga butanga gisulat ko kaninyo nga nanagpanoo sa Anak sa Dios aron kamo masayud nga kamo nakapanag-iya na sa kinabuhing dayon." (1 Juan 5:11-13)

Pasalamati ang Dios kanunay nga si Cristo anaa sa imong kinabuhi ug nga ikaw dili gayud Niya isalikway (Hebrohanon 13:5). Imong masiguro nga ang buhing Cristo anaa sulod kanimo , nga duna ka'y kinabuhing dayon, human Siya madawat tungod kay Iyang gisaad kini. Ug gawas pa, dili gayud Siya magalimbong kanimo.

Usa ka importante nga pahinumdum...

Ayaw basihi ang imong pagbati

Ang atong basihan mao ang pulong ug mga saad sa Dios, dili ang atong pagbati. Ang Cristohanon nagakinabuhi pinaagi sa pagtoo (pagsalig) nga kasaligan gayud ang Dios ug ang Iyang pulong. Kining hulagway sa tren nagapakita sa relasyon sa kamatuoran (ang Dios ug ang iyang pulong), pagtoo (ang atongpagsalig sa dios ug sa Iyang pulong), ug mga pagbati   (resulta sa atong pagtoo ug pagtuman).(Juan 14:21)

Bisan naa o wala'y trailer ang tren modagan gayud. Apan daku kaayo nga binuang kon ang tren mao ang magbira sa tren. Dili kana mahimo. Sa sama nga paagi, kita sa atong pagka Cristohanon dili magsalig sa atong mga pagbati, hinoon, atong ibutang ang atong pagtoo (pagsalig0 sa kasaligan nga Dios ug sa Iyang mga saad diha sa Iyang pulong.

Karon nga imo nang nadawat si Cristo

Sa oras nga ikaw midawat kang Cristo pinaagi sa pagtoo, daghang mga butang ang nagpanghitabo kanimo, sama sa mosunod:

1. Si Cristo misulod sa imong kinabuhi.  (Pinadayag 3:20 ; Taga Kolosas 1:27)
2. Ang imong mga sala gipasaylo na. (Taga Kolosas 1:14)
3. Nahimo ikaw nga anak sa Dios. (Juan 1:12)
4. Na-a na kanimo ang kinabuhing dayon.  (Juan 5:24)
5. Imo na karong pagasugdan ang dakung bulu-haton diin ang Dios nagbuhat kanimo alang niini.   (Juan 10:10; II Taga Korinto 5:17 ; I Taga Tesalonica 5:18)

Duna pa ba kaha'y labaw ka maanindot nga mahitabo kanimo gawas sa imong pagdawat kang Cristo? Gusto mo bang pasalamatan ang Dios karon pinaagi sa pagampo tungod sa Iyang gibuhat alang kanimo? Ang pagpasalamat nagapasabot nga ikaw may pagtoo. Karon unsa ma'y sunod?

Mga Sugyot Alang Sa Cristohanong Paglambo

Ang espirituhanong paglambo nagagikan sa pagsalig kang Cristo. "Ang matarong nagakinabuhi sa pagtoo." (Taga Galatia 3:11) Ang kinabuhi nga may pagtoo makapahimo kanimo sa pagsalig sa Dios sa tanang bahin sa imong kinabuhi, ug sa pagbuhat niining mosunod:

1. Paduol sa Dios matag-adlaw pinaagi sa pag-ampo. (Juan 15:7)
2. Basaha sa matag-adlaw ang Iyang mga pulong. (Mga Buhat 17:11); Sugdi kini sa ebanghelyo ni Juan.
3. Tumana ang kabubut-on sa Dios sa tanang gutlo. (Juan 14:21)
4. Pagsaksi alang kang Cristo pinaagi sa imong mga pulong ug imong pagkinabuhi.   (Mateo 4:19; Juan 15:8)
5. Salig sa Ginoo sa tanang bahin sa imong kinabuhi. (1 Pedro 5:7)
6. Tuguti ang Espiritu Santo sa pagdumala ug pagaghum sa imong kinabuhi sa matag-adlaw ug sa imong pagsaksi.  (Taga Galatia 5:16,17; Mga Buhat 1:8)

Ang Pagkakinahanglanon sa Maayong Simbahan

Sa Hebrohanon 10:25, usa ka dakung tambag alang kanto ang "dili pagbiya sa atong panagtigum...' Magadilaab ang kalayo kung daghang sugnod apan kong imong ipadaplin ang usa sa mga sugnod kinig sugnora mapalong. Ingon usab niini  ang atong rlasyon sa atong isig ka Cristohanon. Kon wala kay gitambungan nga simbahan ayaw paghulat nga tawgon ka pa. Paninguha nga makasimba ka sa simbahan  diin si Cristo ginapsidunggan ug ang iyang pulong ginasangyaw. Sugdi kini karong Dominggo ug himo-ang tumong ang pagsimba kanunay.

Mga Pinasahi Nga Pagtulon-an Para sa Cristohanong Paglambo.

May mga materyales tungod sa pagtulon-an sa Biblia nga imong mapalit sa Philippine Campus Crusade for Christ P.O. Box 458 Manila 1099, Philippines.

Kung ana kay form cable Web browser, ug gusto mong mangayo ug dugang impormasyon, palihug pil-api ang mosunod nga mga forma:

Kung wala ka pay forms capable Web browser, ug gusto mong mga dugang impormasyon, palihug tawagi kini nga numero: 3723682-84; 3724701/05 o sulati ang:

Philippine Campus Crusade for Christ
P.O. Box 458
Manila,1099

Basig gusto mong magbahagi niining importanteng pagtuklas...

Kung kining mga pahina may kahulugan ug makatabang kanimo, palihug ibahagi kini sa uban.

Aron mamentenar ang kamaayong klase ug aron maprotektahan ang sulod niini sa mga kausaban, ayaw kini ipakopya kung walay pagtugot gikan sa publisher, New Life Publications, P.O. Box 458, Manila, 1099.