| 1. TI Dios AY-AYATENNAKA
KEN ADDA NAKAKASKASDAAW NGA PLANONA KENKA. (Dagiti
versiculo nga linaon daytoy a librito ket mabasa iti nasantoan a Biblia.)
Ti Ayat Ti Dios
"Gapu iti kasta unay a panagayat ti Dios iti lubong, intedna ti kakaisuna nga Anakna
tapno ti siasinoman a mamati kenkuana saan a matay no di ket maaddaan iti biag nga
agnanayaon." (Juan 3:16)
Ti Plano Ti Dios
[Ni Cristo ti nagsao] "Immayak tapno maaddaanda iti biag nga awan
pagkuranganna." (Juan 10:10)
Apay nga kaadduan kadagiti tattao ket saanda nga mapadpadasan ti biag nga nawadwad ken
awan pagkuranganna?
Agsipud ta...
|
2.
Ti tao MANAGBASOL ken NAISINA iti Dios. Isu't gapuna nga
di maammoan ken mapadasan ti tao ti ayat ken plano ti Dios iti biagna.
Ti Tao Managbasol
"Nagbasol amin a tao ket adayoda iti panangisalakan ti Dios." (Roma 3:23).
Ti tao naparsua tapno makilangenlangen iti Dios; ngem gapu iti
kinasukirna, pinilina ti biag nga bukbukodna, ket ti pannakilangenlangenna iti Dios ket
naputed. Ti naimbubukodan a pakinakem ti tao ken ibubusorna iti Dios, ket isu't kuna ti
Biblia a basol.
Ti Tao Naisina
"Ta patay ti bayad ti basol" [Naespirituan nga pannakaisina iti Dios] (Roma
6:23).
Ti Dios nasantoan ket ti tao managbasol. Naiyadayo ti tao iti Dios. Kanayon nga padpadasen
ti tao nga gun-uden ti Dios ken ti nawadwad a biag babaen iti bukodna nga pigsa kas iti
panagsingsingpet ken ti relihyon ngem dina kabaelan.
Ti Maikatlo a linteg ipalawagna ti sungbat daytoy nga parikut...
|
| 3. Ni
Jesu-Cristo LAENG ti inted ti Dios nga nangikaro iti basol ti tao.
Babaen kenkuana maammoam ken mapadasam ti ayat ken plano ti Dios iti biagmo. Natay
Gapu Kadatayo
"Ngem impakita ti Dios ti ayatna kadatayo: Idi managbasoltayo pay laeng, natay ni
Cristo gapu kadatayo." (Roma 5:8).
Nagungar Nanipud Kadagiti Natay
"Inyawatko kadakayo ti kangrunaan nga inawatko: a natay ni Cristo gapu kadagiti
basoltayo, a kas kuna ti Nasantoan a Surat; naitanem ken nagungar iti maikatlo nga aldaw,
kas kuna iti Nasantoan a Surat; nagparang ken ni Pedro, sa kadagiti nasurok a limagasut a
kakabsattayo...." (1 Corinto 15:3-6).
Ni Cristo Laeng ti Dalan
"Siak ti dalan, ken ti pudno, ken ti biag; awan ti makapan iti Ama no di magna
kaniak" insungbat ni Jesus." (Juan 14:6).
Rinangtayan ti Dios ti pannakaisina ti tao Kenkuana babaen ti panangibaonna iti Anakna, ni
Jesu-Cristo, tapno matay iti lugartayo ken bayadanna ti supapak ti basbasoltayo.
Ngem saan nga umanay ti pannakaammotayo kadagitoy tallo nga linlinteg...
|
4. Masapul a
tunggal maysa kadatayo AWATENTAYO ni Jesu-Cristo a kas personal a
mangisalakan ken Apo, tapno maammoan ken mapadastayo to ayat ken plano ti Dios iti
biagtayo.
Masapul nga awatentayo ni Cristo
"Ngem kadagiti amin nga immawat Kenkuana, inikkanna ida iti kalintegan nga agbalin
nga annak ti Dios." (Juan 1:12)
Awatentayo ni Cristo Babaen ti Pammati
"Ta gapu ti parabur ti Dios, naisalakankayo babaen ti pammati. Saanyo a
bukod nga aramid no di ket sagut ti Dios. Awan ti mabalinyo a pagtangsit ta saanyo nga
aramid." (Efeso 2:8,9).
Iti panangawat tayo ken Cristo, Mapadasantayo ti Baro a Biag
(Basaem ti Juan 3:1-8.)
Awatentayo ni Cristo Babaen ti Personal a Panangawis
[Ni Cristo ti agsasao] "Denggem, agtakderak iti ruangan (ti biag) ket
agtuktokak. No adda siasinoman a makangngeg iti timekko ket luktanna ti ruangan,
sumrekakto." (Apocalipsis 3:20).
Ti panangawat ken Cristo ket isu't panangtallikud ti basol ken panagsubli iti Dios,
panagtalek ti pammakawanna ken pagbalinennatayo a tao a kas mayannurot ti pagayatanna.
Saan nga umdas ti pannakaammom kadagiti Sasaona wenno ti pannakapadas ti naisangsangayan
nga rikna. Tarigagayantayo nga awaten ni Cristo iti biagtayo babaen ti pammati.
Dagitoy nga ladawan ket ipakitana ti dua nga kita ti biag:
 |
SIAK TI AGTURAY Siak ti
nakatugaw ti trono
Awan urnos ken rag-o ti biagko
Ni Cristo adda ti ruar ti biagko |
 |
NI CRISTO TI AGTURAY Ni
CRISTO ti nakatugaw iti trono
SIAK bimmaba ti trono
Ni Cristo ti matungpal ti biagko. Adda uros ken rag-o ti biagko |
Ania kadagitoy ti mangiladawan ti biagmo ita?
Ania ti kayatmo nga mangiladawan ti biagmo?
Ti sumaruno ket ilawlawagna no kasano ti panangawatmo ken Cristo:
|
Mabalinmo nga awaten ni Cristo
ita met laeng babaen ti kararag a napasnek ken addaan pammati.
(Ti panagkararag ket isu ti pannakisao iti Dios)
Ammo ni Apo Dios ta pusom. Saan nga dagiti iyebkasmo nga sasaom ti kitaen ti Dios, no di
ket ti tarigagay ti pusom. Daytoy a kararag ti mabalinmo a suroten.
"Apo Jesus, masapulka. Luktak ita ti ruangan ti biagko tapno awatenka a kas
personal nga mangisalakanko ken Apo. Agyamanak ti panangpakawanmo kadagiti basbasolko.
Sika Apo ti mangituray ti biagko ket pagbalinennak met a tao a kas mayannurot iti
pagayatam. Amen."
Daytoy kadi a kararag ket iyebkasna ti tarigagay ta pusom?
No kasta, mabalinmo nga ikararag daytoy a kararag ita met laeng, ket ni Cristo sumrek dita
biagmo a kas iti inkarina.Itan Ta Inawatmo ni
Cristo... |
| Adda ti 1.5 bilyon nga kopya ti Uppat Nga Naespirituan Nga
Linlinteg ti naimprinta, ket tarigagay ti Campus Crusade for Christ nga ti mensahe daytoy
nga HomePage ket agtultuloy nga isu ti kaadduan nga maususar. Maysa pay adda met ti
kopya nga librito nga mailako iti bassit nga gatad nga mabalin nga usaren dagiti agayat
nga mangusar daytoy.
No kayatmo ti ag-order ti kopya ti daytoy, kitaem ti New Life Publications
online.
Tapno mataginayon ti mensahe ken maalwadan ti pannakasukatsukat ti linaon daytoy nga Home
Page ken ti dadduma pay nga pasetna (pati ti mirror sites), maiparit ti pannakakopya ti
ania
man nga pasetna nga awan ti kasuratan nga pammalubos ti pabliser, NewLife Publications,
P.O. Box 593684, Orlando, FL 32859. USA
|
|