A o kwele ka Melao ya Mene ya  Semoya na?

Motho Ke Modiradibe
“Gobane moo ga go tlhaolo; ba dirile dibe bohle, ba hlaya letago la Modimo” (Baroma 3:23). Motho o bopetšwe go ba le setswalle le Modimo; eupša, ka baka la go se kwe, o ile a ikgethela tsela ya gagwe, gomme setswalle sa gagwe le Modimo sa senyega. Go se kwe ga gagwe go laetšwa ke go se ikokobetše pele ga Modimo, ešita le go hlokomologa Modimo, gomme se ke bohlatse bja seo Bibele e se bitšago sebe.

Motho O Arogane Le Modimo
“Gobane moputso wa sebe ke lehu,...” (karogano le Modimo ka moya)  (Baroma 6:23).

Tshwantšho ye e bontšha gore Modimo ke yo mokgethwa, mola motho e le modiradibe. Sekgala se segolo se arogantšha motho le Modimo. Metšu e bontšha gore motho o tšama a leka go iphihliša go Modimo le bophelong bjo bo tletšego. O leka ka maatla ka go phela bophelo bjo botse, ka go ithuta le ka go direla Modimo - eupša tšohle tše di a pala.

Molao wa boraro o re fa tharollo ya bothata bjo...

O Hwile Bakeng Sa Rena      
“Gomme Modimo, lerato le a re ratilego ka lona, o le bonagatša ka ge Kriste a re hwela re sa le badiradibe” (Baroma 5:8).

O Tsogile Bahung      
“Kriste o hwile ka baka la dibe tša rena...O fihlilwe, a tsoga ka letšatši la boraro ka mo mangwalo a bolelago. Gomme o bonwe ke Kefase, a tla a bonwa ke ba lesome le metšo e mebedi. A buša a bonwa ke bana bešo ba ba makgolo a mahlano...”

(1 Bakorinthe 15:3-6).

Ke Yena Fela tsela ya go ya Modimong
Jesu a re: “Tsela ke nna, le therešo, le bophelo. Ga go e a tlago go Tate ge e se ka nna”  (Johane 14:6).

Tshwantšho ye e bontšha gore Modimo o tswaletše sekgala seo se re arogantšhago le yena ka go romela Morwa wa gagwe, Jesu Kriste, go re hwela sefapanong. Ka go dira bjalo, a re lefela dibe tša rena.

Ga go a lekana go no tseba melao ye meraro ye...

Re Swanetše Go Amogela Kriste  
“Fela, bohle ba ba mo amogetšego o ba neile maatla a go ba bana ba Modimo. Ke bao ba dumetšego leina la gagwe” (Johane 1:12)

Re Amogela Kriste Ka Tumelo
“Le baphološwa ka kgaugelo ka tumelo; ga la ka la iphološa, e fo ba mpho ya Modimo. Ga la ka la e bona ka mediro, gore go se be le e a kago itumiša” (Baefeso 2:8,9).

Ge Re Amogela Kriste, Re Tswalwa Lefsa
(Bala Johane 3:1-8.)

Re Amogela Kriste Ka Go Mo Laletša
[Go bolela Kriste] “O tsebe gore ke eme mojako, ke a opaopa. Ge motho a ekwa lentšu la ka a bula mojako, ke tlo tsena go yena ka lalela naye, yena a lalela le nna” (Kutollo 3:20).

Re amogela Kriste ge re ipolela dibe ra gomela go Modimo, gomme ra tshepha Kriste gore a tsene maphelong a rena, a re swarele dibe tša rena, gomme a re dire seo a ratago gore re be sona. Go fo dumela ka tlhaologanyo gore Kriste ke morwa wa Modimo, le go re o re hweletše dibe tša rena mo sefapanong, ga go a lekana. Le gona, ga go a lekana go no huduega mo moyeng. Re amogela Kriste ka boikemišetšo le kholofelo.

Diswantšho tše di emetše mehuta e mebedi ya maphelo:

MOTHO YO A ITAOLAGO MOTHO o a itaola gomme o itšeela madulo a bogoši Montho o a itaola, gomme gantši o itlholela mathata Kriste o ka ntle ga bophelo bja montho

MOTHO YO A LAOLWAGO KE KRISTE Kriste o amogetšwe, gomme madulo abogoši a tšewa ke yena Motho o ineetše gomme o emetše ka thoko Bophelo bo laolwa ke Kriste gomme go hlolwa kwano le leano la modimo

Ke seswantšho sefe seo se emetšego bophelo bja gago?

Ke seswantšho sefe seo o ratago gore se emele bophelo bja gago?

Tše di latelago di hlaloša ka moo o ka amogelago Kriste ka gona:

“Morena Jesu, ke a go hloka. Ke leboga ge o lefile dibe tša ka ka go nkhwelela sefapanong. Ke go bulela mojako wa bophelo bja ka, gomme ke go amogela bjalo ka Mophološi le Morena. Ke leboga ge o ntshwaretše dibe tša ka gomme wa nnea bophelo bjo bo sa felego. Tšea taolo ya bophelo bja ka, gomme o ntire seo o ratago ke be sona.”

Na thapelo ye e tšweletša kganyogo ya gago?
 

Ge go le bjalo, e rapele gonabjale, gomme Kriste o tla tsena bophelong bja gago bjalo ka ge a tshephišitše.

NBjale o ka ge amogetše Kriste...